على كثر العيون اللي ضحكت لي مابكت لي عين ...

على كثر العيون اللي ضحكت لي ما بكت لي عين
بكيت ولا لقيت لدمعتي عين تواسيني


غرقت ولا لقيت لصرختي من هو يمد أيدين
تصوبني سهوم الموت مره وألف تخطيني


أنا وحظي رجعنا وكل منا خالي الكفين
على كيف الدهر من وين مايمشيني يوديني


ذبحني جرحي اللي ثار بي وأدمى من الصوبين
بلاني وين أولي به لعب في حسبت سنيني


خطاي إني وفيت ولا عرفت ألعب على الحبلين
خطاي إني إذا حبيت أحب بكل مافيني


نعم باقي من عيوني لعيونك ألف دين ودين
لو أجمها جروح الناس قلبي ماتكفيني


أبد ما أتبعه كذاب والله وصاحب البالين
وش اللي أذكره بالخير منك لجل تهديني


أنا ادري ربي ماخلقني أتبع القفين
وربي لو رجعت بكلمتي لأقطع شراييني